وراٹ کو ابھی طویل سفر طے کرنا ہے: کپل

وراٹ کوہلی اپنی کپتانی میں مسلسل چار سیریز جیت چکے ہیں لیکن عالمی کپ فاتح کپتان کپل دیو کا کہنا ہے کہ ٹیسٹ کپتان کو ابھی لمبا سفر طے کرنا ہے. سابق کپتان کپل دیو نے ہندوستان اور انگلینڈ کے درمیان نو نومبر سے شروع ہو رہی ٹیسٹ سیریز کے سلسلے میں اس کے براڈکاسٹر اسٹار اسپورٹس پر سابق ہندوستانی بلے باز وی وی ایس لکشمن کے ساتھ گفتگو کے دوران کہا کہ



"وراٹ اس وقت ٹیم کی قیادت کے فرائض بخوبی بہتر طریقے سے انجام دے رہے ہیں اور ان کے پاس دوسری ٹیموں کو شکست دینے کے لئے تمام ضروری ہتھیار اور اسلحہ موجود ہے۔   کپل نے لیکن ساتھ ہی کہا کہ وراٹ کو کپتان کے طور پر اب طویل سفر طے کرنا ہے۔ انہیں آسٹریلیا، جنوبی افریقہ اور انگلینڈ کے دوروں پر خود کو ثابت کرنا ہے جس کے بعد ہی پتہ لگ سکے گا کہ وہ کتنے بہتر کپتان ہیں۔